Mawsi Zar Kaw Bawm Hkyep Hkra Nna Asak Si Sum Ai Lam

Pajau Media

November 10, 2025

Hpakant Ginra Maw Si Zar mare kaw November 9 ya shani hkying 11 aten daram hta Amyu shayi langai Bawm hkra hkala nna asak si sum ai lam chye lu ai.

Asak si sum ai wa gaw Asak 20 ning re ai amyu shayi rai nna Maw Si Zar lam maw n tsa hku lai sa nga ai aten Myen hpyen dap mawdaw hpang hku gahtep nna hkan nang nga ai aten myen hpyen dap kawn kapaw dat ai bawm hkra hkala nna asak si sum mat ai lam chye lu ai.

Asak si sum mat ai Amyu shayi gaw kadai gara kaw na re ngu hpe chye lu na matu matut sawk sagawn nga ai raitim Phone matut mahkai yak hkak ai majaw matut sagawn nga dingyang re hpe chye lu ai.

Hpakant ginra hta hpyen masa shamu shamawt nga dingyang rai nna hkawm sa hkawm wa grai sadi maja na matu Mung masha ni tsun hpaji jaw hkat nga ai re .

Shiga - Kachin Pyi Tar