Shwegu KPDF Kawn Mung Shawa Ni Hpang De Sadi Jaw Laika Ndau Ai Lam

Pajau Media

May 5, 2026

Jinghpaw Mung Shwegu ginra hta lahkawng maga majan matut na laja nga ai majaw Shwegu KPDF kawn mung shawa ni hpang de sadi jaw laika ndau da ai re.

Ndai laman Shwegu ginra maga de byin nga ai majan masa ni hte seng nna, mung shawa ni Myen Hpyen htu shadut nga ai lam ni, shagyit ni, dap shara ni hte ni htep na hkawm sa lam n galaw nna koi nga na matu Shwegu KPDF kawn May praw 1 ya shani sadi jaw ndau wa ai re.

Dai sha n-ga hpyen htu shadut nga ai lam hta nkarum na matu, laknak ni, malu masha ni htaw ai lam n galaw na matu mung ndau da aI re. Myen Hpyen ni mung Shwegu kaw na Manmaw hpyen man maga de hpyen n-gun, laknak hte malu masha ni sa taw nga ai hpe chye lu ai.

Dai sha n-ga nsen ja ja le chye ai jak rai ni jai lang nna galaw ai bungli ni hpe shana hkying (6) kaw na jahpawt hkying (9) du hkra hkring na matu sadi jaw da nna, dai sadi jaw laika hpe nhkan nang yang hpang de byin wa na mang hkang ni hpe lit la na hparan jaw na nre lam hpe ndau shana da ai re.

Shiga-Hpring