Ga Gyi Ai A Majaw Bungli Galaw Hkawng Ma Marai 5 Hta N-yawm Asak Si Sum Ai Lam

Pajau Media

March 18, 2026

Hpakant ginra Maw Si Sar lawk na lungseng htu ai shara langai hta ga gyi wa ai majaw dai shara hta bungli galaw ai hkawng ma ni asak si sum wa ai hpe chye lu ai.

Mabyin gaw mani March praw 17 ya shana daw hkying 3 jan aten ram hta Hpakant Maw Si Sar kaw nga ai Sein Sein lung seng htu shara kaw ga gyi wa ai majaw hkawng ma marai 5 hta n-yawm ga kata lawm mat ai hpe chye lu ai.

Ga gyi ai hta lawm mat ai hkawng ma ni hpe seng ang ai ni kawn garum gahtau bungli galaw nga nna ga kata yawng marai kade lawm mat ai hpe hkrak nchye lu shi nna garum gahtau hpung ni bungli galaw nga ding yang re nga tsun ai re.

Hpakant ginra hta shaning shagu ga gyi nga nna jahkring hkring asak si sum ai ni nga nna lai wa sai February praw 16 ya hta mung Hpakant Kade Maw 111 shara ga gyi wa sai majaw hkawng ma marai 20 hta n-yawm hkra hkala wa sai re.

Shiga-Htu Seng