Jinghpaw Mung Shara N Kau Hta Marang Htu Sawng Na Lam Lamu Marang Maram Masam Rung Kawn Tsun Sadi Jaw

Pajau Media

August 22, 2025

Jinghpaw Mung Myitkyina ,Mogaung, Nam Mati hte Ka Mai ginra ni hta marang htu shadang hpe shadawn ai hta Let Ma ( du hkra nga ai majaw marang htu shadang law wa mai ai lam August 21 ya shana daw du hkra ladaw masa maram ai Hpaji Ninghkring ni tsun da ai re.

Ndai laman Myitkyina ginra hta Mali hka mung lung ai maga de rai wa ai hte Myitkyina ginra hka kaba shadang mung masat (1200)Cm du na matu (585)Cm Pe(19) jan daram sha ra ai lam tsun da ai re.

Marang htu shadang law wa mai ai hte kajawng kaja Hka kaba ai manghkang ni hkrum wa mai ai majaw sadi maja ra ai lam tsun da ai re. Mali zup lahta daw hta mung marang htu sawng na masa nga ai lam, Marang htu sawng yang Myitkyina ginra hta Mali hka kaba ai lam byin wa mai ai nga nna tsun da ai re.

Dai majaw Mali hka mayan shanu nga ai Mung masha ni hte lamu ga nem ai ginra hkan hkai lu hkai sha magam bungli galaw let nga ai Mung masha ni hka hpyen sadi maja ra ai lam hpaji ninghkring ni tsun sadi jaw da ai re hpe mung chye lu ai.

Shiga - Hpring