Sau Lang Ai Mawdaw Ni Bat Masum Ya Shagu Gau Na Ahkang Pat Hkrum Ai Lam

Pajau Media

27 March 2026

Jinghpaw Mung, Myitkyina muklum hta sau lang ra ai mawdaw hte cycle ni bat shagu na masum ya nhtoi shagu gau hkawm na ahkang hpe hkum pat kau nna tara n hkan sa ni hpe rim ahkyak la na hpe ginra masha ni tsun ai kawn chye lu ai.

Lai wa sai March 25 ya bat hpang masum ya shani hta shawng nnan chyam yu ai hku na Myitkyina muklum hta hkawm sa taw ai sau hte gau ra mawdaw ni hpe rim la nna masat 1 balik dap rung hta hpaji jaw lamang galaw wa nna du wa na masum ya nhtoi kaw na rim hpang na re nga nna sadi jaw ai lam hpe chye lu ai.

Raitimung Battery mawdaw hte cycle ni hpe gaw hkum pat ai jahpan hta nlawm ai hpe chye lu ai. March 25 ya shani kaw na hpang nna bat shagu na bat hpang masum ya nhtoi shagu hta mung asuya bungli galaw masha ni hpe nta kaw na sha bungli galaw na hpe seng ang ai Myen asuya rung kawn ndau da ai re.

Myitkyina muklum hta mi kaw na mawdaw License, cycle gupchyawp , cycle chyamna hte numbat pa ni hpe rim nga ding yang re hpe mung chye lu ai.

Shiga-Htu Seng