Myitkyina-Mandalay Sa Lam Hta Marang Kaba Htu Ai Majaw Hkrum Lam Mayak Nga Ai Lam

Pajau Media

March 16, 2026

Myitkyina nbungli pa pat da ding yang re ai majaw mawdaw lam hku sha hkrunlam hkawm ra taw ai rai nna mawdaw hkrum lam hta mung mayak nga ai hpe mawdaw sara ni tsun ai kawn chye lu ai.

Ya ten hta Myitkyina-Mandalay-Yangon sa lam hta mawdaw lam hpe sha madung tawn nna hkawm sa ra ai hte lam dingyang mung Myen Hpyen Dap hte Rawt Malan Hpyen Hpung lahkawng maga hpyen ma lahkawn ai hte marang law ai majaw lam hten ai lam nga ai majaw mayak law law Hkrum sha ra ai hpe mawdaw sara ni tsun ai.

“Lam hkan hpyen lahkawn ai ni mung nga ai hte ndai laman marang htu ai majaw lam hten ai lam mung nga majaw hkrun lam hta mayak ni nga ai” nga mawdaw sara langai tsun ai

Myitkyina-Mandalay sa lam hta koi lam hte sha sa hkawm ra taw nna ndai laman marang htu da ai majaw lam hten nna Kyawk Tan koi lam shara hta lung yu mawdaw chyat rawng nga ai hpe chye lu ai. Yu ai mawdaw ni gaw Padung Mar mare hta chyat rawng nga nna lung ai mawdaw ni gaw Sin Kung mare hta chyat rawng nga ding yang re ngu tsun ai.

Ya yen myen mung hta sau manu tsaw taw nga ai re majaw Myitkyina-Yangon sa ai masha langai a hkawm sa jarik gaw seng 3 ram nga ai nga bu hkawm masha ni tsun ai re.

Shiga - Hpring