Hpakant Mashi Kahtawng Kaw Gasat Gala Majan Matut Byin Nga

Pajau media

February 9, 2026

Gasat gala majan laja nga ai Hpakant Mashi Kahtawng maga de myen hpyen dap gaw February 8 ya shana daw hkying 4 aten daram hta nbungli hte bai wa gap gasat ai lam chye lu ai.

January 30 ya shani kaw nna htu shadut htim gasat wa ai rai nna ya aten du hkra majan laja nga dingyang re hpe mung chye lu ai.

Myen hpyen dap gaw Mashi Kahtang shingdu maga Htung Po akyu hpyi kawng shara kaw dap shara jahkrat nga na matu htu shadut htim gasat wa ai re lam tsun ai re.

Dai ginra hta byin ai htim gasat majan gaw bat mi jan wa sai re sha n-ga Myen hpyen dap kawn lai wa sai February 4 ya shani hta mung Y-12 nbungli hte bawm wa jahkrat gasat ai re hpe mung chye lu ai.

Mani na aten hkying 4 jan aten du hkra Myen hpyen dap gaw gasat gala byin ai shara de nbungli bawm jahkrat bun ai rai nna lahkawng maga gasat gala majan masa shaja hkat dingyang re lam chye lu ai.

Shiga- Htu Seng