Jak Sau Law Htam Hkra Nga Ai Majaw Majoi Manu Shatsaw Na Ndut Shabra Na Matu Jinghpaw Mungdaw Hkringmang Daju Tsun

Pajau Media

March 12, 2026

Jinghpaw Mungdaw hta jak sau law htam hkra nga ai hte sau ni hpe manu shatsaw na ndut na matu Jinghpaw Mung Hkringmanag Daju Hkyet Hting Nan kawn tsun da ai nga ai re.

Jinghpaw Mungdaw hta 92 sau hpan gallon 150000, PHSD gallon 458820 hte Lemongrass oil hpan gallon 113150 naw shang na lam nga ai re hpe Jinghpaw Mungdaw Hkringmanag Daju Hkyet Hting Nan kawn tsun da ai.

Dai majaw sau ni hpe manu shatsaw na tsep kawp ndut na hte tara nhkan sa ai ni hpe ahkyak la na hpe tsun da ai hpe chye lu ai.

Jak sau hpe manu shatsaw na dut ai hpe ahkyak la na ngu tsun da ai rai tim ya du hkra sau ni manu bai hkrat ai lam nnga shi nna manu naw tsaw taw ding yang re.

Ya ten Jinghpaw Mungdaw Myitkyina muklum hta nga ai jak sau seng ni kaw 92 sau hpan hpe 1liter 9000 jan hte dut shabra nga ai hpe Myitkyina ginra masha ni tsun ai kawn chye lu ai.

Shiga-Hpring