Hpakant Tatma Kawng Kaw Rim Hkrum Ai Asak 16 Ning Re Ai Tsang 9 Jawng Ma Nlawt Wa Shi Ai Lam

Pajau Media

26 February 2026

Hpakant Tat Ma Kawng shawng kaw cycle hte lai wa ai aten rim hkrum ai hpyen koi yen ramma gaw ya aten matut mahkai n lu ai majaw kanu kawa ni grai myit tsang nga ma ai re hpe chye lu ai.

Lai wa sai February 22 ya shani Hpakant de manang langai hte cycle jawn nna Tat Ma Kawng hku lai wa ai aten Myen Hpyen Dap kawn hkap jahkring rim woi hkrum ai re lam chye lu ai.

Raitim manang wa hpe gaw dat ya ai raitim asak 16 ning re ai shadang Mading Naw Seng @ Lahtaw Naw Seng hpe gaw dat ya ai lam n nga ai sha matut rim da ai re lam hte dai ni hte rai yang n htoi 5 ya na sai rai nna dat ya ai lam n nga shi ai re hpe mung chye lu ai.

Rim hkrum ai wa gaw Hpakant Maw Wan Kaji mare kaw nna hpyen koi yen ai ma rai nna dum nta masha ni gaw shiga mung n na ai sha n-ga gara kaw san sagawn la ra na re mung n chye ai majaw grai myit tsang nga ma ai re hpe chye lu ai.

Hpakant ginra hta ya aten Myen Hpyen Dap hte KIA pawng hpawm dap ni lapran hpyen masa grai shaja hkat nga ai rai nna hkawm sa hkawm wa mung masha ni hpe san jep ai lam ni laja lana galaw nga ai re hpe mung chye lu ai.

Shiga- Htu Seng