January Shata Laman Amyu Shayi Marai (55) Asak Si Sum Mat Nna Maarai (54) Hkra Hkala Hkrum

Pajau Media

February 10, 2026

Myen hpyen dap a shinggyim ahkaw ahkang tawt lai ai lam a majaw, lai wa sai January shata laman, Myen mungdan ting amyu shayi marai (55) asak si sum nna, hkra hkala ai lam marai (54) tup nga ai hpe Burmese Women’s Union (BWU) kawn ndau da ai re.

Asak si sum ai amyu shayi law malawng gaw nbungli gap gasat ai majaw marai (46), lak nak kaba gap gasat ai majaw marai (7) hte ntara ai ladat hte sat hkrum ai masha marai (2) nga ai re. Dai ni hta na, asak nhpring ai amyu shayi marai (4) hte ma hkum kanu amyu shayi marai (2) mung lawm ai hpe chye lu ai.

Sagaing ginra gaw si sum ai amyu shayi marai (20) hte amyu shayi si sum ai ginra law dik htum rai nna, Rakhaing mung hta marai (10) hte Jinghpaw mung hta marai 8 si sum ai re.

Lai wa sai 2025 ning laman Myen hpyen dap a nbungli hte lak nak kaba gap gasat ai majaw mungdan ting amyu shayi marai (792) asak si sum lai wa sai re hte hkra hkala ai masha marai (815)tup nga ai re.

Shiga – Htu Seng