Jinghpaw Mung Ginra (3) Hta Majan Laja Nga Nna Bat Mi Laman Majan (16) Lang Byin

Pajau Media

February 10, 2026

Jinghpaw mung ginra (3) hta majan matut manoi byin nga nna February praw (1) kaw na praw (7) ya du hkra bat mi laman majan (16) lang byin wa ai hpe KIO shiga magam dap tsun ai kawn chye lu ai.

Ya Jinghpaw mung kaw nga ai Manmaw ginra, Hpakant ginra hte Waimaw ginra hta majan matut manoi byin nga nna myen hpyen dap ni kawn nbungli, drone, laknak kaba ni hte shani shagu htim gasat ding yang re hpe chye lu ai.

Jinghpaw mung hta myen hpyen dap ni a nbungli htim gasat ai gaw Mammaw ginra hta law htum rai nna bat mi laman nbungli bawm (41) lang, drone (48) lang hte laknak kaba (350) lang a lahta nga wa sai lam tsun ai.

Dai hta n-ga Jinghpaw mung Moehnyin ginra Indaw Gyi hta mung majan matut byin nga ai hta n-ga lai wa sai January hpang jahtum na bat hta mung Jinghpaw mung lahta ginra hta majan laja lana byin lai wa sai hpe chye lu ai.

Shiga-Hpring