Jinghpaw Mung Myitkyina Muklum Makau Mayan Hta 5.5 N-Gun Nga Ai Nnang Nawn Byin Ai Lam

Pajau Media

February 25, 2026

Jinghpaw mung kata ginra makau mayan hta n-gun 5.5 nga ai nnang nawn byin ai lam nga ai re hpe chye lu ai.

February 25 ya jahpawt hkying 9:46 Am aten daram hta nawn wa ai rai nna dai nnang nawn gaw Myitkyina Muklum kaw nga ai mung masha ni sha n-ga Laiza, Mai Ja Yang , Waimaw hte N jang Yang du hkra dan dan leng leng hkam sha lu ai re hpe mung chye lu ai.

Dai sha n-ga jahpawt jau aten ni hkan mung Jinghpaw Mung sha n-ga htingbu Mungdan ni hta mung n nang nawn naw ai lam jahkring hkring byin ai re hpe mung chye lu ai.

N nang nawn nawn ai n pawt kaw nna Kilometer 50 grup yin hta nga ai ginra ni hkan gaw n nang nawn nawn ai hpe hkam sha lu ai sha n-ga n nang nawn ai hpe dan dan leng leng hkam sha lu ai mung masha gaw nau n law ai hte lamu ga gara ai lam, hten za ai lam kaji kajaw nga mai ai re. N nang Nawn gaw matut manoi mai byin ai re majaw yawng sadi maja let nga ra ai lam n dau shana da ai lam nga ai re.

Shiga – Htu Seng