Myitkyina N Bungli Hkrun Lam Lawan Mai Hkawm Sa Lu Hkra Shakut Nga Ai Lam Myen Hpyen Dap N Dau Ai Lam

Pajau Media

February 25, 2026

Dingsa gasat hkrum ai majaw gan jahkring da ai Myitkyina n bungli hkrun lam hpe shwoi na zawn bai lu hkawm hkra shakut nga ai lam Myen Hpyen Dap kawn February 23 ya shani n dau da ai re.

N dau laika hta Myitkyina nbungli pa kaw hkrun lam hkawm masha htaw ai nbungli hkring nga ai aten dingsa gasat hkrum ai majaw hten za ai lam nga nna nbungli hkrun lam hpe gan jahkring da ai re lam ndau da ai re.

Myitkyina n bungli pa hpe February 20 ya shana hkying 8 jan aten hta Myitkyina kaw nna Mandalay de rawt na မြန်မာအမျိုးသားလေကြောင်းလိုင်း (MNA) kaw na ATR-72-600 gaw FPV Sucide Drone hte gasat hkrum ai majaw gan jahkring da ai re lam chye lu ai.

Dingsa gasat hkrum ai hpang February 21 ya kaw nna nbungli pa hpe shata 3 na hkra pat ai lam shiga ni mawng wa ai rai nna n kau mi tsun ai hta March praw 5 kaw nna nbungli hkrun lam bai hpang na re lam mung tsun nga ma ai re hpe chye lu ai.

Ya na zawn Myitkyina n bungli pa dingsa gasat ai lam hpe KIA PDF ni galaw ai re nga nna Myen Hpyen Dap tsun da ai raitim KIA maga kawn gaw ningdang da ai re hte hpyen hte n seng ai shara hkan dingsa gasat na policy n nga ai lam DKB N hpang Naw Bu tsun da ai re.

Myitkyina nbungli pa htim gasat hkrum ai hpang Myen Hpyen Dap gaw KIO uphkang ginra hkan nbungli bawm matut manoi jahkrat bun ai re lam chye lu ai.

Shiga – Pyilan U