Mali Zup Madim Bai Matut Na Masing Hpe Ninghkap Ai Lam Hpakant Ginra hta N-gun Madun Ai Lam

Pajau Media

December 25.2025

Myen Hpyen Dap woi awn galaw na ra lata poi hte bai gaw gap na matu masing jahkrat nga ai Mali Zup madim masing hpe ninghkap ai lam Hpakant ginra Mlmung masha ni December 24 ya shani n-gun madun ai lam chye lu ai.

Hpakant Maw Le မှော်လှည့် n- gun madun ai hpung ni gaw Myen Hpyen Dap woi galaw ai ra lata poi hta sindan pa n bang na matu, Mali Zup Madim masing dawm kau na matu shamu shamawt n- gun madun ai re hpe chye lu ai.

 Mung masha ninghkap n-gun madun ai majaw 14 ning na hkra jahkring da ai Mali Zup madim masing hpe Myen Hpyen Dap gaw du wa na 2026 shaning hta Hkrang shapraw galaw na matu shakut wa ai re.

Dai sha n-ga Myen Hpyen Dap gaw Mali Zup madim masing hpe sakse n nga ai sha ninghkap ai lam galaw wa yang, ninghkap ai ni hpe ahkyak la sa wa na lam n dau da ai re hpe chye lu ai.

Shiga - Hpring