Manmaw Majan Matut Manoi Laja Nga Ai Lam

Pajau Media

December 28.2025

December 25 ya Christmas shani kaw nna KIA kawn htu shadut majan bai shaja wa ai majaw December 27 ya jahpawt du hkra majan laja nga ai lam chye lu ai.

Myen Hpyen Dap gaw lai wa sai August praw kaw nna Manmaw muklum hpe hpyen n-gun kaba hte htu shadut ai majaw bai hkap shingla gasat ai KIA gaw December 25 ya jahpawt kaw nna hpyen man law law hte bai gasat ai lam chye lu ai.

Gasat gala No 1 ​hte 2 ya shani hkan Myen Hpyen Dap maga na Dap Up, Byuha Up ni hte Myen Hpyen Dap maga na asak si sum nna laknak arung arai law law zing madu lu ai lam chye lu ai.

KIA Hk.L.Y. 47 dap, masat 641 hte Manmaw muklum kaw nga ai Myen Hpyen Dap shara ni hpe htu shadut htim gasat ai re hpe chye lu ai.

KIA Pawng Hpawm Dap ni gaw Manmaw muklum htim gasat majan hpe 2024 December praw kaw nna htim gasat ai gaw laning mi jan nga sai re.

Kaga shiga dap ni hkan gaw Hk.L.Y. 47 dap shara yawng hpe zing madu sai lam tsun ai raitim Pajau Media kaw nna gaw n lu shagrin shi ai re .

Shiga - Htu Seng