Manmaw Majan Matut Naw Laja Nga Ai Lam

Pajau Media

December 29.2025

Manmaw Ginra majan gaw shani shagu naw laja nga ai hte majan sawng dik ai gaw Manmaw dakkasu Jawng wang hte Hk.L.Y 47 makau hkan laja nga ai lam chye lu ai.

Myen Hpyen Dap gaw nbungli drone ni hpe madung jai lang nna htim gasat nga ai hte laknak arung arai ni hte Hpyen n-gun mung jat bang nga dingyang re lam chye lu ai.

Manmaw Majan gaw December 25 ya kaw nna KIA maga kawn hpyen man law law hte htu shadut majan gasat wa ai majaw Myen Hpyen Dap maga na Dap Up madang nga ai ni si hkala hkrum ai lam nga ai sha n-ga Myitkyina Nbungli Dap kaw nna majan gasat n bungli lahkawng daram mung hten za mat ai lam ginra shiga hkan na chye lu ai.

Manmaw Ginra gasat gala majan hta sum machyi ai lam ni law ai majaw Myen Hpyen Dap gaw matai htang ai hku nna Ginjaw Ginra kata de si hkam drone bawm wa jahkrat ai majaw mung masha dum n ta hten za mat ai lam chye lu ai.

Manmaw htim gasat majan gaw laning mi jan wa sai re hte KIA Pawng Hpawm Hpung ni gaw Manmaw Muklum hpe zing madu lu hkra matut manoi htu shadut htim gasat nga dingyang re lam chye lu ai.

Shiga - Pyilan U