Sau Manu Rawt Ai Majaw Myitkyina-Mandalay Mawdaw Shabrai Mung Shawoi Na Hta Grau Laja Wa Ai Lam

Pajau Media

March 26, 2026

Sau taw wa nna manu grai rawt lung wa ai majaw Myitkyina-Mandalay sa mawdaw shabrai mung grau manu laja nga ai hpe chye lu ai.

Myitkyina-Mandalay sa lam hta mawdaw shabrai hpe mawdaw hpan hta hkan nna marai langai hta 250000ks kaw na 500000ks du hkra jaw ra taw ai hpe hkrun lam hkawm masha ni kawn chye lu ai re.

Ya ten Myitkyina muklum mung lawm rai nna mungdan kata sau manu ni tsaw lung nga nna Sinpraw Dingdung hpyen masa a majaw Asia mungdan hkan sau mayak hkrum sha taw nga ai re.

Sinpraw Dingdung hpyen masa nbyin shi ai aten hta Myitkyina-Mandalay sa mawdaw shabrai gaw marai langai mi hta 130000 ks du hkra sha jaw ra nna March shata shawng nnan bat kaw na mawdaw shabrai mung mawdaw hpan hku hkan nna rawt mat ai hpe chye lu ai.

Myitkyina-Mandalay lam lapran hta mungdan kata hpyen masa ni a majaw mi kaw na koi lam hku na sha hkawm ra taw nna, hkrun lam mayak nga ai sha n-ga lam nkaja majaw mawdaw hten ai lam law ai majaw mawdaw shabrai mung laja wa ai re.

Ndai laman Myitkyina muklum hta 92 hpan sau manu liter mi hta 13000 du hkra rawt taw nna Mandalay hta Diesel liter mi hta 5000ks jan nga taw ai lam hpe mung chye lu ai.

Shiga-Htu Seng