စစ်တပ်၏ အကြမ်းဖက်တိုက်ခိုက်မှုကြောင့် ပညာရေးကဏ္ဍမှ (၁၁၂)ဦး သေဆုံး

ပါဂျောင်မီဒီယာ

၂၂ရက်၊ဇန္နဝါရီ၊ ၂၀၂၆။

မြန်မာနိုင်ငံတွင် စစ်ကောင်စီ၏ အကြမ်းဖက်တိုက်ခိုက်မှုကြောင့် ၂၀၂၅ ခုနှစ် တစ်နှစ်တာအတွင်း ပညာရေးကဏ္ဍက ဆရာ၊ ဆရာမနှင့် ကျောင်းသား ကျောင်းသူပေါင်း ၁၁၂ ဦး သေဆုံးခဲ့ကြောင်းကို နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ထုတ်ပြန်ချက်အရ သိရသည်။

သေဆုံးသူ ၁၁၂ ဦးထဲမှ ၉၆ ဦးကိုသာ AAPP က အမည်နှင့်တကွ အတည်ပြုထားနိုင်ပြီး သေဆုံးသူ ၉၆ ဦးထဲတွင် အမျိုးသမီး ၄၇ နှင့် အမျိုးသား ၄၉ ဦး ပါဝင်ပြီး ကျန် ၁၆ ဦးကိုတော့ အတည်မပြုနိုင်သေးကြောင်း သိရသည်။

ပညာရေးကဏ္ဍက သေဆုံးသူ ၁၁၂ ဦးထဲမှ ၈၀ ဦးမှာ စစ်တပ်၏ လေကြောင်းဗုံးကြဲတိုက်ခိုက်မှုကြောင့် သေဆုံးခဲ့တာဖြစ်ကြောင်း AAPP က ထုတ်ပြန်ထားသည်။

စစ်ကောင်စီတပ်များသည် မြန်မာနိုင်ငံတစ်ဝန်းတွင် တိုက်ပွဲဖြစ်ပွားနေသည့်နေရာတွင် သာမက တိုက်ပွဲဖြစ်ပွားခြင်းမရှိသည့် နေရာများထိ လေကြောင်းဗုံးကြဲ တိုက်ခိုက်မှုများ ဆက်တိုက်လုပ်ဆောင်နေကြောင်း သိရသည်။

သတင်း-ဖရိန်း