အောက်တိုဘာလအတွင်း အမျိုးသမီး(၇၀) ဦး သေဆုံး

ပါဂျောင်မီဒီယာ

၇ရက်၊ နို၀င်ဘာ၊ ၂၀၂၅။

နိုင်ငံတစ်၀န်း အောက်တိုဘာလအတွင်း အမျိုးသမီး(၇၀) ဦး သေဆုံးခဲ့ကြောင်း မြန်မာ့အမျိုးသမီးသမဂ္ဂ( BWU)က ထုတ်ပြန်ထားသည်။

စစ်အုပ်စုသည် လေကြောင်းတိုက်ခိုက်ခြင်းကို ယခင်လများထက် ပိုမို အသုံးပြုကာ အကြမ်းဖက် လုပ်ရပ်များကို တွင်ကျယ်စွာ ပြုလုပ်နေသည်ဟု ဆိုသည်။

ပြီးခဲ့သည့် အောက်တိုဘာ ၆ရက်နေ့ ည ၈နာရီ ဝန်းကျင်အချိန် မုံရွာနှင့် ချောင်းဦးမြို့နယ်အစပ်၊ ချောင်းဦးမြို့နယ် မြောက်ခြမ်း တစ်နေရာတွင် မြန်မာ့ရိုးရာ သီတင်းကျွတ်ပွဲတော် ဆီမီးထွန်း သပိတ် ပြုလုပ်နေသူများအား စစ်အုပ်စုမှ ၁၂၀ မမ လက်နက်ကြီး နှစ်လုံး သုံးကာ ပါရာမော်တာဖြင့် ဗုံးကြဲခဲ့သည်။

 ယင်းဖြစ်ရပ်ကြောင့် သေဆုံးသူ (၂၂)​ ဦး ရှိ၍ ထိခိုက် ဒဏ်ရာရရှိသူ (၅၅) ဦးထိ ရှိခဲ့သည်။

အလားတူ စက်တင်ဘာတွင်လည်း စစ်ကောင်စီ၏ အကြမ်းဖက်လုပ်ရပ်များကြောင့် အမျိုးသမီး(၄၇) ဦး သေဆုံးခဲ့ရသည်။

သတင်း - ထုဆိုင်း

Photo credit to Owner