2025 Ning January Shata na Gasat Gala shiga Ginchyum

Pajau Media

21 February 2025

Jinghpaw mungdaw hta 2025 ning January shata laman hta Jinghpaw mungdan shanglawt hpyen dap (KIA) pawnghpawg hpung ni hte myen hpyen hpung lapran majan (12) lang byin nna nbungli hte htim gasat ai gaw ( lang byin wa ai hpe BNI-Myanmar Peace Monitor kawn tsun ndau da ai re.

12 lang ram byin ai majan gaw Manmaw hte Manje ginra hta byin wa ai rai nna majan a majaw mung masha hkra hkala ai marai (24) ram nga ai hpe chye lu ai.

Myen mung na madang hku nga yang majan (115) lang byin lai wa nna myen hpyen dap ni a nbungli htim gasat ai gaw (68) lang, majan a majaw shara htawt mat ai marai (51000), mung masha si sum ai gaw marai (210) hte hkra hkala hkrum ai gaw marai (285) nga ai hpe madun da ai re .

Bai na Manmaw ginra hta lahkawng maga na majan matut manoi byin taw ai rai nna KIA dap kaw na mung S.K.Hk (21) dap de madung tawn nna hpyen htu shadut taw ai kaw myen hpyen dap law malawng hpe zing lu da sai lam chye lu ai.

Matut manoi byin taw ai majan hta myen hpyen dap kawn nbungli, drone ni hte shani shagu gap bun nga dingyang rai ai kaw KIA dap mung matut manoi hpyen htu shadut dingyang re.

Shiga - Htu Seng