2025 shaning Laman Mung Masha Marai 133 Asak Si Sum Nna Marai 177 Hkala Hkrum Ai Lam

Pajau Media

January 7, 2026

Jinghpaw Mung kata Myen Hpyen Dap a nbungli, drone bawm dingsa gasat ai majaw 2025 ning laman marai 133 asak si sum nna marai 117 hkala hkrum ai lam KHRW kawn January 7 ya shani n dau da ai re.

KHRW a hta da lu ai Jahpan hku nga yang 2025 ning hta n tara ai hku rim hkrum ai marai 17 , asak si sum 133, hkala hkrum ai 117 nga ai lam chye lu ai.

Dai sha n- ga jinghpaw Mung kata Myen Hpyen Fap kawn wunawng wuwa sat hkrum ai mabyin yawm htum 5 lang byin ai re hpe chye lu ai.

2025 January shata hta mung Danai Kasan Lun Ja Maw hpe Myen Hpyen Dap nbungli bawm jahkrat ai majaw mung masha marai 15 asak si sum nna marai 10 hkala hkrum ai lam, Febuary shata hta Mung Nmawk Daw Hpum Yang de Myen Hpyen Dap n bungli bawm jahkrat ai majaw ma marai 3 hte rai yang marai 7 asak si sum nna marai 5 hkala hkrum ai re hpe chye lu ai.

March shata hta Manmaw muklum kata chyat rawng nga ai mung masha ni hpe nbungli bawm jahkrat bun ai majaw mung masha marai 30 asak si sum nna hkala hkrum ai law law nga ai re hpe mung chye lu ai.

June shata 7 ya hta mung Hpakant Lawng Hkang ginra de Myen Hpyen Dap drone bawm a majaw mung masha marai 9 asak si sum sai hte September 29 ya hta mung Waimaw Sadung Ginra de nbungli bawm jahkrat ai majaw marai 8 asak si sum nna marai 6 hkala hkrum ai lam KHRW kawn N dau da ai re.

Shiga - Htu Seng