Myen Hpyen Dap Kawn N Bungli Bawm Jahkrat Bun Ai Majaw Mung Masha Law Law Asak Si Sum Ai Lam

Pajau Media

23 January 2026

Jinghpaw mung Manmaw Mali Hka mayan Kawng Ja mare kaw nga ai hpyen koi yen mung masha ni nga ai shara hpe January 22 ya shana daw hkying 4 aten daram hta akyu hpyi zuphpawng nga ai aten Jet N bungi hte bawm 3 lang wa jahkrat bun ai lam chye lu ai.

Ya na zawn htim gasat ai hta mara kata mung masha yawm htum marai 21 asak si sum mat ai rai nna dai kaw ma kaji marai 28 lawm ai lam, hkala sawng ai gaw marai 6 daram re lam chye lu ai. Ya aten hkala hkrum ai ni hpe tsi gawn lajang na matu hkyak hkyak garum ningtum ra kadawn nga ai lam chye lu ai.

Dai shara gaw hpyen koi yen mung masha ni shanu nga ai shara rai nna ya na zawn htim gasat ai gaw mungkan hpyen tara tawt lai ai lam rai Ya na zawn gumshem ai Myen hpyen dap a sat lawat hpe“ Jinghpaw Mung shinggyim ahkaw ahkang yu maram hpung KHRW” kawn ninghkap ai lam n dau da ai re.

Dai sha n- ga mung masha asak si sum ai lam n byin hkra n bungli sau htaw shalai lam hpe mungkan mungdan kawn lawan pat kau na matu gaw ahkyak ai lam, mungkan mungdan tara rap ra ai uhpung uhpawng ni hku nna mung Myen Hpyen Dap hpe gumshem ai Uhpung Uhpawng hku nna masat na matu sak se langai mung rai sai lam kHRW tsun ahkang lu ai Ko Jecob tsun da ai re.

 Shiga- Htu Seng