April Shata Laman Mung Shawa Marai 138 Asak Si Sum Wa Ai Hpe National Unity Government of Myanmar (NUG) Kawn Ndau Ai Lam

Pajau Media

11 May 2026

Myen Hpyen Dap kawn nbungli hte gasat ai majaw April shara laman mung shawa marai 138 asak si sum wa ai hpe National Unity Government (NUG) a shinggyim ahkaw ahkang dap kawn ndau da ai re.

Myen Hpyen Dap gaw April shata laman shinggyim ahkaw ahkang tawt lai ai amu 456 lang galaw wa ai hta nbungli gap gasat ai lam 178 lang galaw wa ai majaw mung shawa marai 138 asak sisum wa nna, marai 203 hkra hkala wa ai lam hpe ndau da ai re.

April shata laman hpyen dap nbungli gasat ai majaw Myen Mung ting na mung shawa dum nta 589, hpaji jawng 11, nawku jawng 18 , tsi rung tsi gawk 7 htenza mat AI hpe chye lu ai.

Dai zawn re hpyen dap gaw mung shawa a ntsa yaw shada let gap gasat ai ni jahkring na matu ra ahkyak ai lam hpe Kachin Human Rights Watch - KHRW hku nna tsun da ai hpe mung chye lu ai.

Shiga-Hpring