Mandalay-Myitkyina Byuha Lam Kaba Rawt Malan Hpung Kawn Bai Hpaw Ai Lam

Pajau Media

28 May 2026

Hpyen masa a majaw aten na hkra pat da ai Mandalay-Myitkyina byuha lam maw kaba hpe rawt malam hpung kawn mani May 27 ya shani kaw na bai hpaw ya wa ai lam mawdaw sara tsun ai kawn chye lu ai.

Indaw-Mawlu-Kata lam hta lahkawng maga majan laja nga ai majaw Mandalay-Myitkyina byuha lam hpe masat 1 hpyen daju ginra Kata ginwang uphkang rung kawn jahkring gan pat ai hpe ndau da ai rai tim mani na ten kaw na bai hpaw sai re.

Maga mi hta mung majan masa a majaw KIA maga kawn nhtoi nmasat ai sha hkwam sa ahkang pat tawn da ai Hpakant-Kamai lam hpe mung Hpakant de rai htaw shalai na matu hte jawng ma ni jawng hpaw ten atsawm lu hkawm sa na matu mani jahkring bai hpaw ya wa ai hpe chye lu ai.

Ya na zawn majan masa a majaw mawdaw lam pat nga ai ten Mandalay-Myitkyina byuha lam shara ni hte Hpakant-Kamai lam hkan hta rai htaw mawdaw ni, hkrum lam hkwam masha htaw mawdaw ni hte mung shawa law law pat hkrup nga ai hpe chye lu ai.

Myen Hpyen Dap bai htu shadut gasat wa ai April shata htum ten kaw na dai ginra shara hkan majan bai byin laja wa ai majaw lam pat ai ni mung jahkring hkring byin nga ai hpe chye lu ai.

Shiga-Hpring