Nyawng Pin Tar Ywar Hta Majan Byin Nga Nna Mung Shawa Dum Nta Wan Nat Hkrum Nga Ai Lam

Pajau Media

27 May 2026

Jinghapw hte Sagaing jarit ginra Indaw-Mawlu lapran kaw nga ai Nyawng Pin Tar mare hta lahkawng maga majan byin nga ai sha n-ga myen hpyen dap kawn mung shawa dum nta hpe wan nat jahten ya nga ai lam hpyen shiga kawn chye lu ai.

Rawt malam hpung ni gaw Indaw hte Mawlaw hkan nga ai myen hpyen dap shara ni hpe bai lu zing ai hpang myen hpyen dap kawn Nyawng Pin Tar mare hpe wan nat jahten ai lam galaw nga ai hpe chye lu ai.

Dai sha n-ga Kata maga de na hpyen karum na matu lung wa ai hpyen mawdaw 3 hpe rawt malam hpung maga kawn Mawhe mare makau hta bawn hte hkap gasat ai majaw mawdaw langai hten nna hpyen lang rai laknak ni hte jamma ni hpe zing la lu ai hpe chye lu ai.

Ya na zawn lahkawng maga majan laja nga nna hpyen masa mung laja nga ding yang re ai majaw ginra mung shawa ni gaw shimlum ai shara de hpyen koi yen nga taw ai hpe chye lu ai.

Shiga-Hpring