Shwegu Ginra Hta Majan Matut Manoi Byin Nga Ai Lam

Pajau Media

28 May 2026

KIA masat 11 dap ba, masat 12 dap dung ginra Shwegu ginra hta KIA hte Myen hpyen lapran majan matut manoi byin nga ai lam chye lu ai.

Mani May 27 ya shani ka-ang hkying 1 aten kaw na Mandalay lam maw kaba ntsa hta nga ai Mana Lay mare makau grup yin KIA pawng hpawm hpung ni hte myen hpyen dap ni hkrum majan byin wa ai re.

Majan byin nga ai ten Myen hpyen dap kawn drone hte gap gasat wa ai sha n-ga lawgaw lam mung hpyen htu shadut nna hpyen gasat wa ai hpe chye lu ai.

Shwegu ginra hta May shata praw hkan kaw na KIA pawng hpawm hpung hte Myen hpyen dap a lapran majan byin nga ai gaw ya ten du hkra rai nna hpyen masa mung laja nga ding yang re ai hpe chye lu ai.

Shiga-Htu Seng