August Shata Laman Amyu Shayi Marai (73) Asak Si Sum Nna Marai (80) Hkala Hkrum Ai Lam

Pajau Media

September 8, 2025

Myen hpyen dap a nbungli lam, Ga lam htim gasat ai hta August shata laman amyu shayi marai (73) asak si sum ai lam BWU kawn ndau da ai re.

Myen hpyen dap uphkang ai 2021 Feb praw 1 kaw nna ya aten du hkra (5) ning hkawt laman hpyen tara tawt lai nna Mung masha a ntsa lam amyu myu hku zingri ai lam, shinggyim ahkaw ahkang tawt lai ai lam ni matut manoi galaw nga ai majaw marai (80) hkala hkrum ai lam chye lu ai.

Amyu shayi Asak si sum ai hte hkala hkrum ai hta nbungli hku htim gasat ai majaw marai (54), hkala hkrum ai masha marai (54), laknak kaba a majaw marai (7) , hkala hkrum ai masha marai (22), sat hkrum ai masha marai (, wan nat sat hkrum ai masha marai (3), mazut roi rip hkrum ai majaw asak si sum ai marai (1), hkala hkrum ai marai (4) nga ai lam tsun da ai re.

August shata laman asak si sum ai amyu shayi ni hta Jinghpaw mung na marai (4) lawm ai lam, Mandalay ginra gaw amyu shayi asak si sum law dik re lam tang madun da ai re. July shata kaw gaw amyu shayi asak si sum ai masha marai (64) hte hkala hkrum ai masha marai (80) nga ai rai nna asak si sum ai kaw Jinghpaw Mung na marai (2) lawm ai lam chye lu ai.

Shiga – Htu seng