Balamin Htin Mahkrai Kaw Miwa De Shang ai Bilat Buk Ni Hpe N Shalai Ai Lam

Pajau Media

February 10, 2026

Ya aten Balamin Htin mahkrai kaw lai wa lai sa gunrai mawdaw ni hpe hkap jahkring ai lam jep joi ai lam ni grau galaw wa ai re hte miwa de na sa ai Bilat Ga zawn re ai ni hpe tsep kawp n shalai ai lam chye lu ai.

Mahkrai kaw Myen hpyen dap balik sha n-ga asuya rung lakung shagu hkan na masha ni aten hpring sin taw ai re hte gunrai htaw mawdaw ni hpe hkap jahkring nna arai ni hpe shaw alun nna jep ai lam, Zai Bru hta ai mawdaw ni hpe du hkra ntsa kaw nna hpri masen ni hte a nyaw nna jep joi ai lam laja lana galaw nga ai re.

Lai wa sai shani mahkrai kaw Bilat Ga Buk mi htaw hkrup ai mung masha langai tsun ai hta “Ngai gawk galaw na matu Waimaw hkran kaw nna Bilat Ga buk mi htaw wa ai re, mahkrai kaw hkap jahkring nna zing kau hkyen ai, n mai ai, zing la kau na nga tsun ai, kade tsun yu tim nlu ai majaw ngai Waimaw de bai n htang mat ai, cycle kaw hkan she hkan gang tsam mari she bai n htang ai ga re sai” nga nna tsun ai re.

Ya aten Myen hpyen dap gaw Maina Washawng lam hpe mung pat da ai re sha n-ga Miwa de na sa ai gunrai ni hpe tsep kawp n shalai ai re lam ginra masha ni tsun ai kaw na chye lu ai. Ya aten gunrai htaw mawdaw kaba ni hpe mung naw rim zing da dingyang re lam chye lu ai.

Shiga- Pyilan U