Hpakant Muklum Hta Maw Lae Rawt Malam Hpung Ni Kawn Hpyen Dap Hpe Ninghkap Rawt Malan Ai Lam

Pajau Media

March 17, 2026

Jinghpaw Mungdaw Hpakant muklum hta Maw Lae rawt malam hpung kawn hpyen dap a nhkru nkaja ai amu hpe ninghkap rawt malam lam hpe dai ni March shata praw 17 ya shani Hpakant ginra hta galaw wa ai lam chye lu ai.

Hpakant mung masha ni hte Maw Lae rawt malam hpung gaw “mara nnga ai mung masha ni hpe bawm gap gasat taw ai hpyen dap hpe nra ai”, “mung masha ni sha madung re nna gara gumshem lai len ni hpe mung nra ai” hte "myen hpyen gumsham hkrat sum na matu mung masha ni yawng shang lawm ga” ngu ai ndau laika ni hte ninghkap wa ai re.

Dai sha n-ga mali hka galaw na masing hte Hpakant ginra hta hpyen dap ni a nbungli, drone hte laknak kaba gap gasat ai hpe nra sharawng ai lam hpe ninghkap wa ai hpe chye lu ai.

Ya ten Myen Hpyen Dap gaw Jinghpaw Mungdaw hta sha n-ga mungdan ting hta nbungli bawm gap gasat ai ni ding yang galaw nga ai re.

Shiga - Hpring