Myitkyina Muklum Kata Sau Manu Yawm Wa Ai Lam Nnga, Battery Cycle Ni Grau Lu Dut, Grau Manu Tsaw Wa Ai Lam

Pajau Media

17 March 2026.

Jinghpaw Mungdaw Myitkyina muklum hta sau manu ni rawt wa ai hpang Battery cycle dut kaja wa nna manu ni mung mi na hta rawt wa ai hpe chye lu ai.

Iran majan a majaw Mach shata praw 3 shani kaw na sau manu ni tsaw lung wa ai hpang Myitkyina ginra masha ni gaw sau mawdaw malai Battery cycle ni hpe sha grau mari na jang lang wa ai hpe chye lu ai.

Myitkyina Muklum hta sau manu tsaw lung shagu Battery cycle ni dut grau kaja nga nna manu ni mung shawoi na hta grai laja wa ai re.

Ya ten Myitkyina muklum hta sau manu 92 liter mi kaw 9500 Kyats du hkra rawt nna lai wa sai March praw 3 ya shani kaw na rawt wa ai sau manu gaw yawm wa ai lam nnga shi ai hpe mung chye lu ai.

Ya ten Battery cycle manu ni mung hpan hta hkan nna yawm htum sen 28 kaw na sen 60 groupyin du hkra nga ai hte mung masha ni grau mari wa ai hta hkan nna manu mung grau tsaw wa nga ai re.

Shiga-Htu Seng