Bamauk Muklum Hpe Myen Hpyen Dap Hpyen N-Gun Kaba Hte Htu Shadut Ai Majaw Rawt Malan Hpung Ni Gan Yen Da Ra Ai Lam

Pajau Media

October 8, 2025

Jinghpaw Mung Sagaing jarit mayan Bamauk Muklum hpe Myen hpyen dap, SNA pawng hpawm hpung ni n-gun kaba hte laja lana htu shadut wa ai majaw rawt malan hpung ni gan yen da ra ai lam chye lu ai.

Bamauk Muklum kaw na Hka Mu mare hte Zet Taw mare ni hpe Rawt Malan hpung ni gan yen da ra ai rai nna Mare makau grup yin lahkawng maga gasat gala majan ya aten du hkra matut byin nga ai re hte Rawt Malan hpung ni maga gaw matut ninghkap nga ai re lam chye lu ai.

Rawt malan hpung ni gaw Bamauk Muklum hpe lai wa sai September 20 ya hta htim gasat zing madu la lu ai rai nna Myen hpyen dap hte SNA pawng hpam hpung ni kawn lai wa sai October 4 ya kaw nna matut manoi htu shadut htim gasat wa ai re lam chye lu ai.

Myen hpyen dap pawng hpawm hpung ni gaw ya aten Bamauk Muklum bai lu la hkra laja lana htu shadut nga ai rai nna Nbungli ni hte htim gasat nga ai zawn Hommalin ginra kaw na Tatma 33 n pu myen hpyen dap, SNA pawng hpawm hpung ni n-gun kaba htu shadut nga ai re lam chye lu ai.

Shiga- Htu Seng