Bamauk Muklum Hta Lahkawng Maga Gasat Gala Majan Matut Manoi Byin Nga Ai Lam

Pajau Media

30 January 2026

Jinghpaw Mung Sagaing jarit Bamauk muklum hta rawt malan pawng hpawm hpung ni hte Myen Hpyen Dap lapran gasat gala majan matut manoi byin nga ai lam chye lu ai.

Myen Hpyen Dap pawng hpawm hpung ni gaw Bamauk muklum hpe bai uphkang lu na matu shakut nga ai majaw lahkawng maga shani shagu gasat gala majan byin nga ai re.

Myen Hpyen Dap hpung ni gaw ya aten Bamauk muklum sha n-ga Jinghpaw Mung hte Sagaing jarit lahta daw Hti Chyaik , Katha hte Kaw Lin muklum shara ni hpe htu shadut htim gasat wa ai majaw hpyen masa grai shaja nga ai re lam mung chye lu ai.

Myen hpyen dap gaw Bamauk muklum hpe bai lu la hkra lai wa sai October shata kaw nna lang hte lang htu shadut htim gasat ai re sha n-ga n bungli bawm htim gasat ai lam galaw ai majaw mung masha dum nta hte nawku makam masham hte seng ai shara dum nta ni wan hkru hten za mat ai lam chye lu ai.

Shiga- Hpring