Myitkyina Hkyema Thiri Lawk Mawdaw Lagu Hkrum Ai Lam

Pajau Media

30 January 2026

Jinghpaw Mung a muklum kaba Myiktyina kaw lagut damya manghkang grau grau law jat wa ai rai nna Januray 29 ya shani Hkyema Thiri Lawk kaw mung mawdaw langai lagu hkrum ai lam myi chyaw mu masha tsun ai kaw na chye lu ai.

“Shi gaw arai mari sa ai, ngut na ma hte re nga na mawdaw hpe chyinghka gaw pat da ai, zaw gaw bai shakap kau da she n rai na, kalang ta lagut gaw shang nna gau mat ai, lagut wa gaw la taw ai rai sam nga , hkan gaw hkan ai wa n dep kau ai” nga nna myi chyaw mu mung masha langai tsun ai re.

Hkyema Thiri lam maw kaba ntsa kaw byin ai rai nna lagu hkrum ai mawdaw gaw Honda Fit achyang re lam, seng de arai wa mari ai jahkring laman lagu mat ai re lam chye lu ai. Dai sha n-ga shawng shani hta mung Dap Kawng lawk kaw na dum nta langai kaw mung Battery Cycle lagut hkrum ai lam chye lu ai.

“Wang chyinghka zaw hkat da ai nta zaw hpe mung hkat da ai re wa kata de nan shang nna la mat ai re, nta kata kaw nna zaw ni, cycle ni lagu la mat ai ” nga nna lagu hkrum ai ni hte ni nawn ai mung masha tsun ai re.

Cycle hpe dum nta kaw atsawm bang da ai raitim dum n ta kata de nan shang nna lagu mat ai re lam, Myitkyina muklum hta dum nta kata de du hkra arai lagu hkrum ai lam jahkring hkring byin nga ai gaw muklum kata shimlam hpe lit la ai lam n nga ai sha n-ga Da ginsup dabang ni grai law wa ai majaw re lam muklum nga mung masha ni tsun nga ma ai re.

Shiga- Zau