Banmauk Muklum Hte Makau Grup Yin Hkan Myen Hpyen Dap Kawn Nbungli Hte Matut Manoi Htim Gasat Wa Ai Lam

Pajau Media

December 3, 2025

Jinghpaw Mung hte Sagaing lapran kaw nga ai PDF pawng hpawm hpung ni up hkang da sai Banmauk Muklum hte makau grup yin shara hkan Myen Hpyen Dap kawn nbungli hte matut manoi bawm jahkrat htim gasat wa nga ai lam chye lu ai.

"Lai wa sai November shata htum 29, 30 hkan kaw na nbungli bawm hte htim gasat wa ai lam ni galaw wa ai" nga nna PDF maga kawn chye lu ai re.

Myen hpyen dap gaw Banmauk Muklum makau grup yin hta lai wa sai November shata htum kaw na Jat Fighter, Y-12 nbungli ni hte nbungli bawm hku htim gasat ai ni matut manoi galaw nga ai hpe chye lu ai.

Myen hpyen dap pawng hpawm hpung ni gaw Banmauk Muklum hpe bai lu zing na matu ga lam hku htu shadut lung wa ai sha n-ga nbungli hte mung matut manoi htim gasat wa ai hpe chye lu ai.

Myen hpyen dap ni htu shadut lung wa ai majaw PDF dap ni hte majan bai laja wa chye majaw mung masha ni sadi na hkawm sa na matu PDF hpung ni sadi jaw da ai lam hpe mung chye lu ai.

Shiga-Hpring