Bat Mi Laman Jinghpaw Mung Kata Gasat Gala 15 Lang Byin Ai Lam

Pajau Media

December 22, 2025

Jinghpaw Mung kata gasat gala majan gaw lani hte lani laja nga ai hte lai wa sai december 15 kaw nna 21 ya bat mi laman gasat gala majan 15 lang byin ai lam chye lu ai.

Gasag gala majan gaw Manmaw, Waimaw, Hpakant ginra sha n-ga Hugawng Danai ginra de mung ga lam, n tsa lam hku nna htu shadut majan baw nga ai re hpe chye lu ai.

Myen Hpyen Dap gaw nbungli hku htim gasat ai lam hpe n-gun dat galaw wa ai re hte KIA masat 14 dap dung ginra Pat Maw maga de mung Myen Hpyen Dap n bungli bwm jahkring hkring wa gap ai majaw gasat gala majan laja nga ai re hte December18, 20 ya shani ni hta mung Myen Hpyen Dap nbungli lahkawng hte bawm wa jahkrat ai re hpe chye lu ai.

Nbungli bawm gaw mung masha ni bungli galaw sha ai shara kaw wa hkrat kapaw nna hkala sawng ai lam asak si sum ai lam nga ai hpe chye lu ai.

Ya aten gasat gala majan a majaw Danai Ja maw Ginra hta ya aten hpyen masa a majaw galaw lu galaw sha lam grai yak hkak nga ai rai nna hkrun lam ni pat ai sha n-ga gunrai manu ni mung grai tsaw rawt mat ai re hpe mung chye lu ai.

Shiga -Pyilan U