Bat Mi Laman Jinghpaw Mung Kata Gasat Gala Majan 24 Lang Byin Ai Lam

Pajau Media

November 25, 2025

Lai wa sai Bat mi laman Jinghpaw Mung Waimaw, Manmaw, Hpakant ginra ni hta gasat gala majan 24 lang byin nna shani shagu hpyen masa shaja hkat nga dingyang re lam chye lu ai.

Lai wa sai November 17 kaw na 23 ya du hkra Manmaw ginra kata Nbungli, Drone, Laknak kaba gap ai lam 398 lang nga ai lam KIO shiga hta tang madun da ai. Dai sha n-ga Waimaw Lamyang maga de mung shani shagu bawm jahkrat bun ai lam chye lu ai.

Myen hpyen dap gaw KIA Uphkang Ginra ni de hpyen n-gun htu shadut htim gasat nga dingyang rai nna gasat gala n nga tim Nbungli bawm htim gasat ai lam galaw nga ai re hpe chye lu ai.

Lai wa sai November 10 ya kaw na 16 ya du hkra bat mi laman Jinghpaw Mung kata gasat gala 57 lang byin ai re hpe chye lu ai.

Shiga- Hpring