Bum Hka Kalang Ta Kaba Wa Ai Majaw Mung Masha Marai (2) Hka Maw Ru Hta Lawm Mat Ai Lam

Pajau Media.

June 2, 2025.

Marang ladu lai htu sawng ai majaw Jinghpaw Mung shara shagu hta Hka kaba tsin yam hkrum nga ai hta Sadung Ginra Bum Wa mare lahta Xenma Haw ngu ai mare hta June 2 ya jahpawt daw jau Bum hka ni kaba wa ai majaw Mung masha marai (2) Hka Maw ru kaw lawm mat ai lam chye lu ai.

“ June 2 ya jahpawt daw manap jau kaw Hpung Tau gaw Manap shat shadu nga ai shaloi madu wa gaw hka kaba wa sai lawan hprawng saga ngu Yang jahkring mi naw shat naw gan shadu la na nga shat gan shadu nga ai kaw Lawm mat ai re, ya aten du hkra Hka mawru gaw nzim shi ai dingyang naw rai taw ai” nga nna Sadung ginra masha tsun ai.

Hka Maw ru hta lawm mat ai gaw asak (50) jan re ai Hpung Tau Hkawng Nyoi hte shi nta kaw nga lawm ai Ma la kasha mung Hka maw ru hta yawng lawm mat ai lam chye lu ai. Hka Maw Ru gaw dai hpawt jau kaw nna ya aten du hkra zim ai lam n nga shi ai re hpe mung chye lu ai.

Ya aten Hka MawRu hkrum sha nga ai Masat shadaw ( sa lam kaw na Xenma Haw mare kaw gaw Mung masha htinggaw (30) dang shanu nga ai mare langai re hte Hka maw Ru kalang ta du wa ai majaw mare kata hkawm sa hkawm wa galaw nga ai Mung masha mung Hka hpung la kaw lawm mat ai lam na lu ai, marai kade lawm mat ai hpe tup hkrak n lu tsun ai hte matut sagawn dingyang re.

Shiga- Pyilan U