Bungli Galaw Lekmat Hte Maigan Pru Hkawm Na Ni Hpe Myen Hpyen Dap Ahkang Jaw Yang Sha Mai Hkawm Sa ai Lam

Pajau media

January 15, 2026

Mungdan kata kaw nna shinggan de pru hkawm nna bungli galaw na matu OWIC lekmat lang ai ni hku nna Myen Hpyen Dap kawn ahkang jaw yang sha mai pru hkawm sa na re lam Myen Hpyen Dap masat kau sai re hpe chye lu ai.

Dai masat dat ai lam hpe January 11 ya kaw nna bungli masha hte seng ai Hkringmang rung Website kaw nna n dau wa ai re hte January 12 ya kaw nna bungli masha hku nna maigan pru na ni hpe nbungli pa kaw na nan n htang shangun ai re hpe chye lu ai.

Shawng daw de gaw maigan de bungli sa galaw na hku nna OWIC lekmat hpe bungli masha hte seng ai matsun rung de Email hku nna sa ngut yang maigan mai pru hkawm ai raitim ya gaw ahkaw ahkang yawng pat kau ai majaw maigan de bungli wa galaw na masha ni yak hkak mat sai re hpe mung chye lu ai.

Myen Hpyen Dap gaw maigan pru ahkang lu ai ni hpe Safe Migration Telegram hku nna n dau ai lam galaw na rai nna ahkang jaw da ai n htoi ni hta pru lu hkra galaw ra na hte lam amyu myu a majaw n lu pru mat ai rai yang n nan kaw nna bai shawk shawn ai lam ni galaw ra ai lam ndau da ai re hpe mung chye lu ai.

Shiga – Hpring