Chihpwi Ginra Kaw Na Masat Da Ai Ginra Hkan Ja Htu Ahkang KIA Hkum Pat Ai Lam

Pajau Media

October 16, 2025

Jinghpaw Mung chihpwi ginra kaw Mung masha ni masat da ai ginra kata ja htu ai magam bungli ni hpe jahkring na matu KIA/KIO Asuya kawn hkum pat da ai re lam ginra masha ni tsun ai kaw na chye lu ai.

“ Ja htu ai lam a majaw Bum Gyi ai lam, mawdaw lam ni hten za ai, Hka ni nsan mat ai lam law law re, dai majaw makawp maga masat kau ai re” nga nna ginra masha langai tsun ai re.

Ja htu ai lam a majaw byin pru wa mai ai hpyen hpe tau nau makawp maga na matu, Hka lam, Mawdaw lam ni hten za ai lam hpe makawp maga na matu yaw shada let hkum pat ai re lam chye lu ai.

Myen hpyen dap uphkang ai aten Chyihpwi ginra hta dang di dang dep ai hku Ja htu sha nna kan bau ai sha n-ga Jak kaba ni hte htu sha ai Lauban law law shang lai wa sai re.

Lai wa sai 2024 shaning htum maga Chihpwi ginra mung lawm rai nna Zahkung Ting Ying uphkang da ai ginra yawng hpe KIA kawn htim gasat zing madu da lu ai hpang ya aten du hkra KIA uphkang nga dingyang re lam chye lu ai.

Shiga- Hpring