Dakkasu Jawng Shang San Poi Bai Htai Ra Na Aten Hpe Myen Hpyen Dap N Dau Ai Lam

Pajau Media

April 22,2025

Myen mungdan kaw lai wa sai March 28 ya kaw nna byin ai Nnang nawn a majaw Dakkasu Jawng shang San Poi mahtai pa ni wan hkru lawm mat ai majaw Mandalay, Sagaing, Nay Pyi Taw hte Jinghpaw mung hkan na jawng ma ni June 16 kaw nna San Poi kalang bai htai ra na re lam Myen hpyen dap n dau da ai re.

San Poi bai htai ra na jawng ma ni gaw San Poi htai ahkang lakmat hpe June praw 1 kaw nna 15 ya laman hta seng ang ai san poi jep rung ni hta wa la ra ai lam ndau da ai re.

Nnang nawn a majaw Mandalay Dakkasu Jawng nta langai wan hkru mat ai hta wan hkru lawm mat ai re. Wan hkru lawm mat ai hta Jinghpaw mung na jawng ma marai 8,699 daram a mahtai pa ni lawm mat ai re hte Sagaing, Mandalay hkan na jawng ma marai Hkying Kru jan na mahtai pa ni mung lawm mat ai re lam chye lu ai.

March 28 ya shani kaw nna byin hpang ai Nnang nawn a majaw Mandalay, Sagaing, Nay Pyi Taw hte Jinghpaw mung kata na jawng ma ni a mahtai pa yawng Sen Mali hkawt wan hkru lawm mat ai lam Myen hpyen dap kawn n dau da ai re.

Shiga- Hpring