Dakkasu Jawng Shang San Poi Kalang Bai Htai Na Jawngma Ni Hpe Jinghpaw Mung Asuya Kawn Jawng Kaw Nga Let Shajin Sa Wa Na Matu Ra Mara Lajang Ya

Pajau Media

May 6.2025

N Nang Nawn a majaw dakkasu jawng shang san poi htai sa wa na Asuya Jawng kaw lung ai jawng ma ni hpe myitkyina ginra hta gaw jawng kaw yup sha laika sharin ai ladat hte ni htep ai hku sharin ya na matu Jinghpaw mung asuya kawn hkyen lajang nga ai lam Myitkyina lahta tsang sharin sara Num langai tsun da ai re.

“ dinghkrai Jawng ni hpe gaw gara hku hkyen taw ai kun chyawm n chye ai, asuya jawng kaw lung ai Jawng ma ni hpe gaw Jawng kata kaw yup sha nna ni htep ai hku laika hpe sharin sa wa na re, lu na sha na Yawng asuya kaw na hkyen lajang ya na re” nga nna tsun dan ai re.

Asuya Jawng lung ai Jawng ma ni gaw May (5) kaw nna jawng kata kaw yup sha let bai htai sa wa na ni hpe sara, saranum ni hte ni htep ai hku galaw hpang nga sai lam chye lu ai.

Dai sha n-ga Manmaw, Danai, Chihpwi Lam hte kaga ginra hkan na du wa na jawng ma ni mung lawm ai re. March 28 ya shani byin ai N nang nawn hpyen a majaw Mandalay Dakkasu jawng asawng wan hkru mat ai hta G-12 san poi mahtai pa ni mung hkru lawm ai re.

 Dai kaw Jinghpaw Mung, Nay Pyi Taw, Mandalay, Sagaing ginra hkan na jawng ma ni a mahtai pa sen mali jan mung wan hkru lawm mat ai re hpe mung chye lu ai.Ya na zawn san poi mahtai pa ni wan hkru lawm mat ai re majaw Myen mungdan ting hta Dakkasu Jawng san poi bai htai sa wa na matu galaw wa ai hta san poi hpe June 16 ya kaw nna 21 ya laman htai sa wa na matu hkyen da ai re hpe mung chye lu ai.

Shiga- Hpring