Dakkasu Lung Na Jawngma Ni Jau Nna Sindan Pa Jaw Ra Taw Ai Lam

Pajau Media

2 December 2025

Myen mung ginra nkau ni hta dakkasu jawng lung na jawng ma ni kadai rai tim jau nna sindan pa jaw da ai lekmat nnga yang jawng lung na ahkang nnga ai hpe chye lu ai.

Du wa na December (28) hta galaw na "Ra Lata Poi" daw 1 hta ginra 102 ginra lawm ai hpe chye lu ai.

Myen Hpyen Dap woi awn galaw mat na Ra Lata Poi hta dakkasu lung na jawngma ni sindan pa njaw da yang dakkasu lung na ahkang nnga ai hte sindan pa jaw ngut sai lekmat nga yang she jawng mying bang mai ai re hpe chye lu ai. Dai majaw ginra nkau mi na jawng ma ni sindan pa hpe jau jaw taw sai lam hpe mung chye lu ai.

Myen mung kata kaw nga ai dakkasu jawng ma marai (28000) jan jau nna sindan pa jaw ra ai lam hpe myen hpyen dap a Ra Lata Poi Komti gaw lai wa sai November (21) ya shani hta ndau da ai re.

Myen hpyen dap woi awn galaw mat na Ra Lata Poi hpe daw 3 hku nna Myen mung hta galaw mat na hpe Ra Lata Poi Komti hku na ndau da ai.

Shiga: Hpring