Dakkasu San Poi Sa Htai Ai Jawngma N kau Hkrun Lam N tsa Kaw Rim Hkrum Ai Lam

Pajau Media

November 10, 2025

Jinghpaw Mung kaw na Dakkasu Jawngma n kau san poi htai na matu sa wa ai Myitkyina-Shwe Bo-Sagaing lam n tsa kaw Myen hpyen dap kawn rim lahkawn hkrum ai lam chye lu ai.

"San Poi htai na matu n ta kaw na pru wa ai, hkrun lam kaw masum mali ya na tim hpa shiga mung n na ai, dai zawn re mabyin jahkring hkring byin ai" nga nna Myitkyina Ginra masha tsun ai.

Myen hpyen dap, Pyu Zaw Hti dap ni gaw Shwe Bo, Myitkyina Byuha lam n tsa na Zi Kung, Malel lam braw shara ni hkan masha lahkawn rim nga ai lam chye lu ai.

Rim hkrum ai ni gaw San Poi sa htai ai jawngma ni Lam lapran kaw rim hkrum ma ai rai nna dai rim hkrum ai ni hpe တကရ(၆၀၀၆) dap de wa sa ai re lam chye lu ai.

Dai sha n-ga Kan Balu ginra kata nga ai Shwe Bo Myitkyina Byuha Lam n tsa hkrun lam hkawm Mung masha ni kaw na Myen hpyen gaw atik anang gumhpraw hta lahkawn ai lam ni galaw ai majaw grai sadi nna hkawm sa ra ai lam tsun sadi jaw da ai re.

Shiga - Hpring