Danai Ja maw Kaw Myen Hpyen Hpung Ni Mung Masha ni Arung Arai Mya Sha Nga Ai Lam

Pajau Media

January 3. 2026

Myen Hpyen Dap P.T.Ts pawng hpawm hpung ni gaw ya aten Danai ja maw ginra hkan na mung masha ni a arung arai ni hpe mya la shang shalau ai lam galaw ai lam chye lu ai.

“Ya gaw Wai Law Ja maw kaw na shara hkan shang shalau sha pyaw taw nga, shara langai hpang langai shang na galaw sha taw nga ai manu dan ai arai ni, gumhpraw ni sawk la taw nga “ nga na ja maw ginra bungli galaw sha nga ai mung masha langai tsun ai re.

Danai Ginra ja maw hkan shara shagu hkan na mung masha ni galaw lu galaw sha let nga nga ai shara hkan Myen Hpyen Dap kawn lai wa sai December shata kaw nna n bungli bawm wa jahkrat bun ai lam ni galaw wa ai re.

Dai sha n-ga P.T.Ts hpung ni gaw Danai Ja maw ginra na mung shawa ni yawng hprawng koi yen na matu jahkrit shama nga ai lam nga ai hte mung masha ni gan yen da ai hpang shang shalau sha nga ai re lam mung chye lu ai.

Ya aten Wei law, Rahkai Kung, zawn re ja maw hkan gaw mung masha ni n mai galaw sha mat sai hte Myen Hpyen Dap pawng hpawm hpung ni shang shalau sha nga dingyang majaw mung masha nj bungli jahkring da ra ai re hpe chye lu ai.

Myen Hpyen Dap kawn ja maw hkan maw sin hku nga taw ai mung masha ni hpe jahkrit shagyeng ai lam ni mung galaw ai re hpe chye lu ai.

Shiga -Pyilan U