Danai Lido Lam Lawa mare makau mayan hpyen masa shaja hkat nga ai lam

Pajau Media

14.April.2025

KIA Masat 2 Dap Ba masat 20 Dap dung ginra Lawa Mare makau Hkum Tsai Yang mare kaw April13 ya jahpawt daw hta Min Ze Tan P.T.Ts ni hte gasat KIA hpyen hpung gasat gala majan byin ai lam chye lu ai.

Myen hpyen Dap P.T.Ts pawng hpawm hpung ni gaw Hkum Tsai Yang mare makau hkan hpyen shamu shamawt hkawm nga ai majaw KIA Pawng hpawm ni hte Hkap shingla ai kawn gasat Poi byin wa ai re lam chye lu ai.

P.T.Ts pawng hpawm hpung ni gaw Lai wa sai April praw kaw nna Danai Lido lam mayan de hpyen shamu shamawt nga ai sha n-ga Lawa Mare kaw shara jahkra nna Makau grup yin de Lak nak kaba Hkrup shadam nga ai hpe KIA pawng hpawm hpung gawt shapraw kau lu sai re.

Myen hpyen Dap P.T.Ts pawng hpawm hpung ni gaw April 4ya daram kaw nna Danai Lam Wa Ra zup mare kaw shara jahkrat nga nna Makau grup yin de Hpyen shamu shamawt lam ding Yang galaw ai sha n-ga Mung masha dum n ta wan nat jahten ai lam ni Mung galaw ai re hpe chye Lu ai.

shiga. Pyilan U