Danai Lido Lam Ntsa Na Myen Hpyen Dap Shara Langai Hpe KIA Hpyen Hpung Ni Zing Madu Ai Lam

Pajau Media

July 11, 2025

Hugawng ginwang Lido lam ntsa Lawa Hkumtsai Yang mare lup wa kawng kaw dap jung nna shamu shamawt hkawm nga ai Myen Hpyen Dap pawng hpawm hpung ni hpe July 10 ya jahpawt daw hta KIA pawng hpawm hpung ni htim gasat zing la lu ai lam chye lu ai.

Danai Lido lam Kumtsai Yang Lup wa kawng kaw dap jung ai Myen Hpyen Dap pawng hpawm hpung ni hpe July 10 ya jahpawt manap 4:00 AM aten daram kaw nna KIA hpyen hpung ni sa htim gap gasat ai hta 6:00 AM aten kaw padang dip ai lam chye lu ai.

Danai Lido lam n tsa re majaw hkawm sa hkawm wa mung shawa ni dingyang hkawm sa nga ai re hte gasat gala majan laman n mai lai mat ai raitim shana daw hta bai shalai ya ai re lam chye lu ai.

Ginra shiga ni hkan tang madun da ai dap shara zing madu ai majan hta hpyen bawng marai masum hpe mung lu rim la ai lam chye lu ai.

KIA pawng hpawm hpung ni zing madu ai Kumtsai Yang lup wa makaw kaw lai wa sai ten KIA hpyen hpung shara jahkrat nga ai re hte March 24 ya hta Min Ze Thant P.T.TS ni zing madu la ai shara hpe bai lu la ai re hpe mung chye lu ai.

Shiga. pyilan U