Danai Muklum kata Asak (6) Ning Re Ai Ma Hpe Zai Bru Htaw Mawdaw Kawn Rin Hkrup Ai Lam

Pajau Media Channel

10th April, 2024

Danai laksan muklum Hugawng Lawk kaw April (9) ya shana daw hkying (5:00) PM aten daram hta asak (6) ning re ai ma Naw Naw Htoi hpe zai bru htaw mawdaw kawn rin hkrup nna baw ga ayai asak si sum mat ai lam chye lu ai.

Naw Naw Htoi hte shi manang gaw lagaw leng jawn hkawm ai hta Hugawng Lawk rung makau kaw sumpum da ai zai bru bum hpe ahtu galau la ai re hte Naw Naw Htoi gaw lagaw leng hpang kaw jawn ai majaw lam kaw galau nga ai aten n dum shami zai bru htaw ai mawdaw (Lifan) hpan lai wa nna rin hkrup mat ai re lam chye lu ai.

Lagaw leng rau jawn ai manang wa gaw loi li hpye ai daram sha rai nna laja lana hkala sawng ai lam gaw n nga ai re hpe mung chye lu ai. Ya aten dai zai bru htaw mawdaw gau ai mawdaw la hpe Danai balik dap kawn amu hparan na matu galaw nga ai re lam mung matut chye lu ai.

Shiga - Hugawng