Wailaw Dap Shara Hpe KIA Bai Zing Madu Ai Lam

Pajau Media

28 January 2026

KIA Masat (2) Dap Ba masat 14 Dap dung ginra kaw nga ai Wailaw Dap shara hpe KIA pawng hpawm Dap ni Januray 27 ya hta bai htim gasat zing madu la lu sai lam chye lu ai.

Wailaw dap shara hpe KIA pawn hpawm hpung ni zing madu da ai shara mung re hte January praw hta Myen Hpyen Dap hte Min Zay Thant P.T.Ts hpung ni n-gun kaba htu shadut ai sha n-ga n bungli drone , laknak kaba ni hte htim gasat ai majaw gan yen kau da ai shara re hpe mung chye lu ai.

Dai shara hpe KIA pawng hpawm hpung ni bai zing madu la lu sai re. Dai sha n-ga Waimaw Lamyang hpyen man maga de mung Myen Hpyen Dap hte P.T.Ts pawng hpawm hpung ni January 20 ya daram kaw nna matut manoi htu shadut htim gasat wa ai majaw shani shagu gasat gala majan laja nga dingyang re lam chye lu ai.

Shiga – Htu Seng