Dap Ba 11 Shwegu Ginra Maga Majan Masa Laja Nga Ai Lam

Pajau Media

25 May 2026

KIA masat 11 Dap Ba, masat 12 dap dung, Shwegu ginra Mandalay mare makau grup yin hta mani May 24 ya jahpawt hkying 7 jan kaw na Myen hpyen dap hte KIA pawng hpawm hpung kawn majan byin wa ai lam chye lu ai.

Myen hpyen dap Hk.L.Y 121 dap shara kaw na KIA pawng hpawm hpung ni nga ai ginra maga laknak kaji kaba ni hte htu shadut gasat wa ai majaw KIA pawng hpawm hpung kawn ninghkap gasat ai hta majan byin hpang wa ai hpe chye lu ai.

May 23 ya shani hta mung jahpawt hkying 8 jan kaw na shana daw hkying 2 ram du hkra majan byin wa ai hpe chye lu ai.

Nga Oo mare kata dap shara dung nga ai Hk.L.Y 121 kawn KIA pawng hpawm hpung ni nga ai shara maga de hpyen htu shadut shamu shamawt wa ai majaw shani shagu laknak kaji kaba, drone hte majan byin nga nna, lahkawng maga shada majan masa laja nga ding yang re hpe chye lu ai.

Shiga:Htu Seng