Daw Hte Daw Galaw Na Ra Lata Poi Hta Shiga La Ai Hku Na Wang Lu Wang Lang Shiga Mai La Ai Lam Ra Lata Poi Commission Kawn N dau Ai Lam

Pajau Media

October 29, 2025

Myen hpyen dap woi awn galaw na Ra lata poi lamang hte seng nna Mungdan kata shinggan hkan na Media hpung ni shiga wang lu wang lang mai la ai lam Ra lata poi commission kawn n dau da ai re.

Shiga la ai ni hku na shiga hpe shagrin da sai Upade, Masat da ai Tara Upade, Media Tara hte hkrak Ra lata poi hte seng na shiga mai la ai lam n dau da ai re hpe chye lu ai.

Dai sha n-ga Mungdan kata na shiga dap ni hpe Ra lata poi galaw na ginra hkan shiga dap langai kaw masha marai 4 sha shiga la ahkang jaw ai lam, Mungdan shinggan hkan na shiga dap ni hku nna gaw Myen hpyen dap shiga hte seng ai dap de shawng shiga la ahkang lakmat lu na matu shawk shawn ai lam galaw ai hpang jen jep nna she masat sa wa na re lam n dau da ai re hpe chye lu ai.

Shiga dap ni hku nna shiga la na lakmat hpe shawk shawn ai lam hpe December 12 ya kaw nna mai galaw sai lam tsun da ai re.

Shiga - Htu seng